हिमाल प्रेस 
प्रतिनिधिमूलक तस्बिर
ओखलढुंगा- शनिबार अपराह्न वर्षातसँगै परेको चट्याङ लागेर गम्भीर घाइते भएकी खिजीदेम्बा गाउँपालिका-२, तोपडाँडाकी ५७ वर्षीय देवमाया बुढाथोकीको मृत्यु भएको छ। घरभित्रै बसिरहेका बेला उनलाई चट्याङ लागेको थियो।
बुढाथोकीलाई उपचारका लागि रामेछापको मन्थली लैजाने क्रममा आज बिहान मृत्यु भएको जिल्ला प्रहरी कार्यालय ओखलढुंगाका प्रहरी निरीक्षक देवेन्द्र दासले जानकारी दिए।
ओखलढुंगामा चट्याङ लागेर यही वैशाख महिनामा मात्रै दुई जनाको मृत्यु भइसकेको छ। जिल्लामा बर्सेनि चट्याङका कारण जनधनको क्षति हुने गरेको छ।
प्रकाशित: १७ वैशाख २०८० ९:०० | Sunday, April 30, 2023
प्रतिक्रिया
