हिमाल प्रेस 
काठमाडौँ- दुई फरक फरक दुर्घटनामा परी दुई जनाको मंगलबार मृत्यु भएको छ। प्रहरीले दिएको जानकारीअनुसार काभ्रेपलाञ्चोकको पाचँखाल नगरपालिका –४ लामीडाँडामा बा ५ ख ३४९४ नम्बरको टिपरले बा८५ प ९०१७ नम्बरको मोटरसाइकललाई मंगलबार ठक्कर दिँदा मोटरसाइकल चालक २० वर्षीय गौतम तामाङको मृत्यु भएको हो।
ठक्करबाट गम्भीर घाइते भएका उनको धुलिखेल अस्पतालमा उपचारको क्रममा मृत्यु भएको प्रहरीले जनाएको छ। दुर्घटनामा घाइते भएका मोटरसाइकलमा सवार अर्को एक जनाको सोही अस्पतालमा उपचार भइरहेको छ। टिपर चालकलाई प्रहरीले नियन्त्रणमा लिएको जनाएको छ।
सोहीअनुसार बाराको परवानिपुर गाउँपालिका-४ चैनपुरमा बा१८ च ६४१९ नम्बरको कारको ठक्करबाट पहिचान नखुलेका एक जनाको मृत्यु भएको छ। प्रहरीका अनुसार करिब ६५ वर्षीया महिलाको मंगलबार दिउँसो मृत्यु भएको हो।
ठक्करबाट गम्भीर घाइते भएका उनको नारायणी अस्पतालमा उपचारको क्रममा मृत्यु भएको हो। कार चालकलाई प्रहरीले नियन्त्रणमा लिएको छ।
