हिमाल प्रेस 
सांकेतिक तस्बिर।
पोखरा- बसको ठक्करबाट पोखरामा एक युवतीको मृत्यु भएको छ। शुक्रबार बिहान चिप्लेढुंगामा ग १ ख ७१०८ नम्बरको बसले ग १९ प ९९८९ नम्बरको स्कुटरलाई ठक्कर दिँदा स्कुटर चालक दीक्षा कार्कीको मृत्यु भएको हो।
झापाको दमक-४ घर भई हाल पोखरा-५, पर्स्याङ बस्दै आएकी २४ वर्षीया कार्कीको उपचारार्थ अस्पताल लगिए पनि चिकित्सकले मृत घोषणा गरेका थिए।
बस चालकलाई प्रहरीले नियन्त्रणमा लिएको कास्की प्रहरी प्रवक्ता प्रहरी नायव उपरीक्षक श्रवणकुमार विकले जानकारी दिए।
प्रकाशित: ३ चैत २०७९ १२:४२ | Friday, March 17, 2023
प्रतिक्रिया
