एमालेका तीन जिल्ला कमिटी विघटित

काठमाडौँ- अधिवेशनका समयमा विवाद देखिएका नेकपा एमालेका तीन जिल्ला कमिटी विघटित भएका छन्।

नेकपा एमालेले महोत्तरी, पर्सा र रौतहट गरी ३ जिल्ला कमिटी विघटन गरेको छ। जनकपुरधाममा बसेको एमाले मधेस प्रदेश सचिवालय बैठकले ३ जिल्ला कमिटी विघटनको निर्णय गरेको हो। एमालेका अनुसार विघटित जिल्लाहरूको अधिवेशन तोकिएको छ ।

बैठकले वैशाख १४ र १५ गते महोत्तरी, वैशाख १७ र १८ गते पर्सा र वैशाख २० र २१ गते रौतहटमा जिल्ला अधिवेशन गर्ने निर्णयसमेत गरेको छ।

उनका अनुसार अधिवेशनको बेला विवाद भएका कारण महोत्तरी, पर्सा र रौतहट जिल्ला कार्य समिति विघटन गरिएको हो। जिल्ला अधिवेशन पछि नयाँ नेतृत्व आउनेछ ।