हिमाल प्रेस 
काठमाडौँ- चालु आर्थिक वर्ष २०७९/८० को ६ महिनामा ५ खर्ब ८५ अर्ब ८ करोड रुपैयाँ रेमिट्यान्स भित्रिएको छ। नेपाल राष्ट्र बैंकका अनुसार यो गत आर्थिक वर्षको तुलनामा २४ प्रतिशतले बढी हो।
अघिल्लो आवको ६ महिनामा रेमिट्यान्स आप्रवाह ५ प्रतिशतले घटेको थियो। चालु आवमा अमेरिकी डलरमा रेमिट्यान्स आप्रवाह १३.९ प्रतिशतले वृद्धि भई ४ अर्ब ५० करोड पुगेको छ। अघिल्लो वर्ष ५.७ प्रतिशतले घटेको थियो।
चालु आवको साउनदेखि पुससम्म वैदेशिक रोजगारीका लागि संस्थागत तथा व्यक्तिगततर्फ नयाँ अन्तिम श्रम स्वीकृति लिनेको संख्या ६४.६ प्रतिशतले बढेर २ लाख ७५ हजार ६४३ पुगेको छ।
त्यसैगरी पुनः श्रम स्वीकृति लिनको संख्या ९.५ प्रतिशतले बढी १ लाख ४२ हजार ५४८ पुगेको छ।
प्रकाशित: २३ माघ २०७९ १५:५६
प्रतिक्रिया
