आजको मौसम : तराइमा हुस्सुले सडक र हवाई यातायातमा प्रभाव

काठमाडौँ- हाल देशका पहाडी भूभागहरूमा आंशिक बदली रही अन्य भूभागहरूमा मौसम सामान्यतया सफा रहेको छ। तराईका भूभागहरूमा हुस्सु र कुहिरो लागेको छ।

आज दिउँसो प्रदेश नं १ र गण्डकी प्रदेशका भूभागहरूमा आंशिक बदली रही देशका बाँकी भूभागमा मौसम सामान्यतया सफा रहनेछ।

आज राति प्रदेश नं १ र गण्डकी प्रदेशका पहाडी भूभागमा आंशिक बदली रही देशका बाँकी भूभागमा मौसम सामान्यतया सफा रहनेछ।
तराईका भूभागहरूमा बिहानीपख लागेको हुस्सु र कुहिरोले दैनिक जनजीवन, स्वास्थ्य, सडक तथा हवाई यातायातमा सामान्य प्रभाव पर्न सक्ने सम्भावना रहेकोले आवश्यक सतर्कता अपनाउनु हुन अनुरोध छ।