हिमाल प्रेस 
काठमाडौँ– सर्टिफाइड कलेज अफ अकाउन्टेन्सी (सीसीए)को आयोजनामा भएको ‘सीसीए इन्टरकलेज एस्से कम्पिटिसन २०२३’ को उपाधि नेपाल मेघा कलेजका विद्यार्थी सन्देश बस्यालले जितेका छन्। फाइनल चरणमा अन्य ९ जना विद्यार्थीलाई पछि पार्दै बस्यालले उपाधि जितेका हुन्। उनले ट्रफीसहित नगद ३० हजार रुपैयाँ पुरस्कार पाए।
शनिबार भएको फाइनलमा सेन्ट जेभियर कलेजका शिशिर गौतम फष्ट रनर्सअप र मनास्लु वल्र्ड कलेजका फरिन बानु सेकेण्ड रनर्सअप भए। उनीहरू दुवैजनालाई क्रमशः १५ हजार र १० हजार रुपैयाँ नगदसहित ट्रफी पुरस्कार दिइएको आयोजकले जानकारी दिएको छ।
उनीहरूलाई एसीसीए नेपाल प्रमुख रविन कटुवाल, सीसीएका डाइरेक्टर मनिस शर्मा र कम्पिटिसनका जर्ज राजकुमार गुरुङले ट्रफी, चेक र प्रमाणपत्र हस्तान्तरण गरे। प्रतियोगितामा सहभागी १८ जनाले प्लस टुपछि सीसीए कलेजमा अध्ययन गरेमा २५ हजार रुपैयाँ बराबरको छुट पाउनेछन्।
