हिमाल प्रेस 
प्रतिनिधिमूलक तस्बिर
काठमाडौँ- नेपाल प्रहरीका जवान कवीन्द्र विक मृत भेटिएका छन्। कर्णाली प्रहरी गणमा कार्यरत प्रहरी जवान विक कन्चटमा गोली लागेको अवस्थामा मृत भेटिएका हुन्। विकको स्थायी ठेगाना दार्चुला हो। जिप्रका सुर्खेतले दिएको जानकारीअनुसार राति करिब ३ बजे उनको शव फेला परेको थियो।
अहिले उनको शव पोस्टमार्टमका लागि कर्णाली प्रादेशिक अस्पताल सुर्खेतमा राखिएको छ। उनलाई अरू कसैले गोली हानेको या आफैँले हानेको अनुसन्धान भइरहेको प्रहरीले जनाएको छ।
प्रकाशित: ११ फागुन २०७९ ८:४४ | Thursday, February 23, 2023
प्रतिक्रिया
