कार र ट्याक्सी ठोक्किँदा दुईको मृत्यु, छ घाइते

काठमाडौँ- ललितपुरको सातदोबाटो नजिक आइतबार राति कार र ट्याक्सी ठोक्किँदा दुई जनाको मृत्यु भएको छ। दुर्घटनामा ट्याक्सीमा सवार सरोजकुमार विक र कारमा सवार धनबहादुर बस्नेतको मृत्यु भएको प्रहरीले जनाएको छ।

उक्त घटनामा परी दुवै सवारी साधनमा सवार छ यात्रु घाइते भएको ललितपुर जिल्ला प्रहरी कार्यालयका प्रमुख वरिष्ठ प्रहरी उपरीक्षक यज्ञविनोद पोखरेलले जानकारी दिए।

कोटेश्वरबाट सातदोबाटोतर्फ गइरहेको बा २ ज ३४२० नम्बरको ट्याक्सी र विपरीत दिशातर्फ गइरहेको बा ४ च १ नम्बरको कार ठोक्किँदा घाइते भएका यात्रुको बी एन्ड बी अस्तापलमा उपचार भइरहेको छ।