मोटरसाइकल अनियन्त्रित हुँदा एकको मृत्यु

बारा- बारामा सवारी दुर्घटनामा एक पुरुषको मृत्यु भएको छ। बारा कलैया उपमहानगरपालिका–१४ लक्ष्मीनियास्थित सडकमा म प्र–०३–०२५ प ३९५८ नम्बरको मोटरसाइकल अनियन्त्रित हुँदा चालक कलैया उपमहानगरपालिका–१४ जितपुर बस्ने ३५ वर्षीय अरुन चौधरीको मृत्यु भएको छ।

सोहीअनुसार बागलुङ नगरपालिका–८ सिगानास्थित सडकमा बा।२ क ९२५८ नम्बरको टिपर सडकबाट करिब २ सय मिटर तल खसेर बुधबार बिहान दुर्घटना हुँदा चालक मकवानपुर हेटौंडा उपमहानगरपालिका–१४ बस्ने ४३ वर्षीय राजु मोक्तानको घटनास्थलमै मृत्यु भएको छ।

दुर्घटनाका सम्बन्धमा प्रहरीले थप अनुसन्धान गरिरहेको जनाएको छ ।