हिमाल प्रेस 
धनगढी– बाजुरा १ (क) बाट नेकपा एकीकृत समाजवादीका नरेश शाही निर्वाचित भएका छन्। उनले निकटतम् प्रतिस्पर्धी नेकपा एमालेका बलदेव रेग्मीलाई २ हजार ३ सय ४१ मतले पराजित गरेका हुन्।
शाही १० हजार ९७३ मतका साथ विजयी भएको मुख्य निर्वाचन अधिकृतको कार्यालय बाजुराले जानकारी दिएको छ। कार्यालयका अनुसार एमालेका रेग्मी ८ हजार ६ सय ३२ मतका साथ पराजित भएका हुन्।
नेकपा एसबाट निर्वाचित शाही पार्टीको युवा संगठनका केन्द्रीय अध्यक्ष पनि हुन्।
प्रकाशित: १७ मंसिर २०७९ २०:२२
प्रतिक्रिया
