हिमाल प्रेस 
काठमाडौँ- नेपाली कांग्रेसको संसदीय दलको नेतामा पार्टी सभापति शेरबहादुर देउवा र महामन्त्री गगन थापाले उम्मेदवारी दिएका छन्।
सभापति शेरबहादुर देउवाका प्रस्तावकमा उपसभापति पूर्णबहादुर खड्का र समर्थक वरिष्ठ नेता रामचन्द्र पौडेल छन्। यसअघि पौडेलले आफू देउवाको प्रस्तावक नबस्ने बताएका थिए।
थापाको प्रस्तावकमा नेता डा. शेखर कोइराला तथा समर्थकहरूमा उपसभापति धनराज गुरुङ, महामन्त्री विश्वप्रकाश शर्मा र नेता प्रदीप पौडेल छन्।
संसदीय दलको विधानबमोजिम दलको नेता चुनिन ५१ प्रतिशत मत ल्याउनैपर्ने हुन्छ। कांग्रेसबाट ८९ सांसद छन्। कांग्रेस संसदीय दलको चुनाव बुधबार हुँदैछ।
प्रकाशित: ५ पुष २०७९ १५:०२
प्रतिक्रिया
