उपचार नपाएर सप्तरीमा ५ जनाको मृत्यु भएको होइन : स्वास्थ्य मन्त्रालय

काठमाडौँ– स्वास्थय तथा जनसंख्या मन्त्रालयले सप्तरीमा केही दिनअघि अत्यधिक रक्सी सेवनका कारण स्थानीय व्यक्तिको मृत्यु भएको दाबी गरेको छ। शनिबार केही राष्ट्रिय दैनिकहरूले उपचार नपाएर विपन्न दलितहरूको मृत्यु भएको समाचार प्रकाशन गरेकोमा मन्त्रालयले उक्त दाबी गरेको हो।

उपचार नभएर नभई अत्यधिक रक्सी सेवनका कारण उनीहरूको मृत्यु भएको मन्त्रालयले जिकिर गरेको छ। मृत्यु भएका ५ जनामध्ये ३ जनाको अत्यधिक रक्सी सेवनका कारण र २ जनाको उपचारका क्रममा मृत्यु भएको मन्त्रालयले आइतबार जारी गरेको प्रेस विज्ञप्तिमा उल्लेख छ।