हिमाल प्रेस 
काठमाडौँँ- जोन्टा क्लब अफ काठमाडौँले महिला तथा बालिकामाथि हुने हिंसा अन्त्यका लागि ‘वाकाथन’ आयोजना गरेको छ।
पाँच सयभन्दा बढीको सहभागिता रहेको वाकाथन दरबारमार्गबाट सुरु भएर वसन्तपुर दरबार स्क्वायरमा पुगेर समापन भएको थियो। वाकाथनको अन्त्यमा लैंगिक हिंसाविरुद्धको सन्देश बोकेको सडक नाटकको प्रदर्शन गरिएको थियो।
नोभेम्बर २५ देखि १० डिसेम्बरसम्म संयुक्त राष्ट्र संघले मनाइरहेको लैंगिक हिंसाविरुद्धको १६ दिने अभियानलाई समर्थन गर्दै ‘वाकाथन’ आयोजना गरिएको जोन्टा क्लबले जनाएको छ।
संयुक्त राष्ट्र संघको यस वर्षको नारा ‘महिला र बालिकाविरुद्ध हुने हिंसा अन्त्य गर्न एक होऔँं’ रहेको छ।
प्रकाशित: ११ मंसिर २०७९ १३:३५
प्रतिक्रिया
