हिमाल प्रेस 
काठमाडौँ– नेपाल प्रहरीले प्रहरी निरीक्षक (इन्स्पेक्टर) र प्रहरी सहायक निरीक्षक (असई) पदका लागि विज्ञापन आह्वान गरेको छ। प्रहरी प्रधान कार्यालयको भर्ना छनोट शाखाले ९६ जना प्रहरी निरीक्षक र २६० जना प्रहरी सहायक निरीक्षकका लागि दरखास्त आह्वान गरेको हो।
प्रहरी निरीक्षकका लागि २० वर्ष उमेर पुगेको र २५ वर्ष ननाघेको हुनुपर्नेछ भने सहायक निरीक्षकका लागि १८ वर्ष पूरा भई २४ वर्ष ननाघेको हुनुपर्नेछ।
यस्तै निरीक्षकका लागि स्नातक र सहायक निरीक्षक लागि प्रमाणपत्र वा सोसरह उत्तीण गरेको हुनुपर्नेछ। प्रहरी सहायक निरीक्षकको दरखास्त दिन उम्मेदवार आफैँ उपस्थित हुनुपर्नेछ। यस्तै प्रहरी निरीक्षक पदका लागि अनलाइनबाट दरखास्त दिन सकिने व्यस्वस्था गरिएको छ। दरखास्त दिने मिति कात्तिक १९ गतेदेखि मंसिर २९ गतेसम्मका लागि तोकिएको छ।
प्रकाशित: ३ कार्तिक २०८० ७:४१
प्रतिक्रिया
