हिमाल प्रेस 
काठमाडौँ- दुई दिनदेखि परेको अविरल वर्षासँगै आएको लेदोसहितको पहिरोले सिद्धार्थ राजमार्गअन्तर्गत पाल्पाको तिनाऊ गाउँपालिका ५ कालीमाटीमा यात्रुबाहक जिप पुरिएको छ।
जिल्ला प्रहरी कार्यालय, पाल्पाका डीएसपी सुगन्ध श्रेष्ठका अनुसार घटनास्थलमा प्रहरी जाँदैछ। लु ३ च ५३४२ नम्बरको भ्यान पहिरोमा परेको हो।
‘अहिले सिद्धार्थ राजमार्ग अवरुद्ध छ। घटनास्थलमा प्रहरी पुग्दैछ। पुरिएका जीपबाट मानिसहरू निस्किएका छन्। विस्तृत विवरण आउन बाँकी छ,’ डीएसपी श्रेष्ठले भने ।
अहिले पनि यस क्षेत्रमा भारी वर्षा भइरहेको छ।
प्रकाशित: १७ असोज २०८० ७:५५
प्रतिक्रिया
