हिमाल प्रेस 
इटहरी- सुनसरीबाट आचार्य श्रीनिवासलाई प्रहरीले पक्राउ गरेको छ। उनलाई आज (मंगलबार) दिउँसो प्रहरीले पक्राउ गरेको हो।
जिल्ला प्रहरी कार्यालय सुनसरीका अनुसार केही दिन पहिले जनकपुरको एक कार्यक्रममा आचार्यले सद्भाव भड्किने खालको अभिव्यक्ति दिएका थिए।
सोही कारण उनलाई सुनसरीको बराहक्षेत्र नगरपालिकास्थित चक्रघट्टीबाट प्रहरीले पक्राउ गरेको हो।
‘आज दिउँसो पक्राउ गरी जिल्ला प्रहरी कार्यालयमा राखेर अनुसन्धान भइरहेको छ,’ जिल्ला प्रहरी कार्यालय सुनसरीका एक प्रहरी अधिकृतले भने, ‘पक्राउ परेकामाथि थप अनुसन्धान भइरहेको छ।’
प्रकाशित: १६ असोज २०८० १९:४६
प्रतिक्रिया
