हिमाल प्रेस 
फाइल तस्बिर।
काठमाडौँ- प्रधानमन्त्री पुष्पकमल दाहाल ‘प्रचण्ड’ बिहीबार चितवन प्रस्थान गर्न लागेका छन्। सत्ता गठबन्धनको बैठकका साथै मन्त्रिपरिषद् विस्तारको चटारोका बीच प्रधानमन्त्री प्रचण्ड चितवन जान लागेका हुन् ।
चितवनको भरतपुरस्थित विमानस्थल भवनको शिलान्यास गर्ने कार्यक्रमका लागि उनी केहीबेरमा चितवन प्रस्थान गर्न लागेको प्रचण्डको सचिवालयले जनाएको छ।
उनी दिउँसो १ बजे काठमाडौँ फर्किने कार्यतालिका रहेको छ। प्रचण्ड फर्किएपछि मन्त्रिपरिषद् विस्तारबारे नेताहरुसँग एक चरण छलफल हुने बताइएको छ।
प्रकाशित: १६ चैत २०७९ ८:५२
प्रतिक्रिया
