फेरि बढ्यो सुनको भाउ

काठमाडौँ- नेपाली बजारमा आज (मंगलबार) फेरि सुनको मूल्य बढेको छ। नेपाल सुनचाँदी व्यवसायी महासंघकाअनुसार यसअघि गत आइतबार मूल्यमा ऐतिहासिक रेकर्ड बनाएको सुनको मूल्य सोमबार केही घटेकोमा आज फेरि बढेको हो।

आज सुनको मूल्य तोलामा पाँच सयले बढेको हो। आज छापावाल सुन प्रतितोला एक लाख ९ हजार ८ सय रुपैयाँमा कारोबार भइरहेको छ।

यस्तै तेजाबी सुन प्रतितोला एक लाख नौ हजार तीन सय रुपैयाँमा कारोबार भइरहेको छ। महासंघकाअनुसार आज चाँदीको मूल्य पनि बढेको छ।

आज चाँदी तोलामा १९ रूपैयाँले बढ्दै प्रतितोला १,३४० रुपैयाँमा कारोबार भइरहेको छ।