हिमाल प्रेस 
काठमाडौँ– नेकपा एमाले संसदीय दलको प्रमुख सचेतकमा पदम गिरी चयन भएका छन्। संसदीय दलका नेता केपी शर्मा ओलीले आइतबार गिरीलाई प्रमुख सचेतक र महेश बर्तौलालाई सचेतक चयन गरेका हुन्।
गिरी पर्वत र बर्तौला मकवानपुर २ बाट निर्वाचित सांसद हुन्। आम निर्वाचनपछि एमालेले प्रमुख सचेतक र सचेतक चयन गरेको थिएन।
गिरी यही सरकारमा स्वास्थ्यमन्त्री पनि बनेका थिए। बर्तौला राष्ट्रपति र उपराष्ट्रपति चुनावमा एमाले उम्मेदवारका प्रतिनिधि हुन्।
प्रकाशित: २८ फागुन २०७९ १६:५६
प्रतिक्रिया
