सर्लाही : लालबन्दीमा मोटरसाइकलको ठक्करबाट वृद्धको मृत्यु

सर्लाही- सर्लाहीको लालबन्दीमा मोटरसाइकलको ठक्करबाट एक वृद्धको मृत्यु भएको छ। पूर्वपश्चिम राजमार्गअन्तर्गत लालबन्दी नगरपालिका ७ मा बिहीबार बा ५८ प १८१६ नम्बरको मोटरसाइकलले ठक्कर दिँदा सोही ठाउँका ७० वर्षीय मौजे साह रौनियारको मृत्यु भएको हो।

मोटरसाइकलको ठक्करबाट गम्भीर घाइते भएका रौनियारलाई लालबन्दीस्थित मोडेल अस्पतालमा सामान्य उपचारपश्चात् थप उपचारका लागि न्युरो अस्पताल कलैया, बारा लगिएको थियो।