हिमाल प्रेस 
काठमाडौँ- संस्थागत सामाजिक उत्तरदायित्वअन्तर्गत महालक्ष्मी लाइफ इन्स्योरेन्स लिमिटेडले सञ्चालन गरेको ‘महिला सशक्तीकरणमा महालक्ष्मी लाइफ’को पहिलो चरणको एक महिने कार्यक्रम सम्पन्न भएको छ।
कम्पनीका अध्यक्ष मनोरञ्जन रमण शर्माले पुस ४ गते सौराहामा कार्यक्रमको सुरुवात गरेका थिए। त्यसपछि पुस ११ गते रुकुम पश्चिमबाट महिलाहरूको रोजगारी र समृद्धिको नारासहित तालिम कार्यक्रम सञ्चालन गरिएको थियो।
२१ जिल्लामा गरिएको कार्यक्रम माघ १० गते लमजुङ र गोरखामा गरेर सम्पन्न भएको छ। ७०० जना महिला सहभागी कार्यक्रम दाङ, चितवन, नवलपुर, रुपन्देही, पाल्पा, कञ्चनपुर, म्याग्दी, पर्वत, मकवानपुर, रौतहट, धनुषा, सुनसरी, झापा, तनहुँलगायत जिल्लामा सञ्चालन भएको थियो।
फागुन र चैतमा दोस्रो चरणको कार्यक्रम गर्ने कम्पनीले जनाएको छ। दोस्रो चरणमा एक हजार महिलालाई सहभागी गराउने कम्पनीले तयारी गरेको छ।
