हिमाल प्रेस 
फाइल तस्बिर।
काठमाडौँ- नेपाली कांग्रेस संसदीय दलका प्रमुख सचेतक रमेश लेखकले सरकार सदनप्रति उदासीन, पीडित परिवारप्रति निरपेक्ष र जनताप्रति कर्तव्यविमुख हुन नमिल्ने बताएका छन्।
प्रतिनिधिसभाको बिहीबारको बैठकमा समय माग गरी बोल्दै उनले यस्तो बताएका हुन्। लेखकले सरकारले विमान दुर्घटनामा परी निधन हुनेहरूको शव पहिचान भइसक्दासमेत आफन्तलाई बुझाउने प्रक्रियामा ढिलाइ गर्दा आफन्तमाथि झनै पीडा थपिएको बताए।
उनले विमान दुर्घटनाबारे उठेका सबै पक्षको सम्बोधन गर्न सरकारलाई निर्देशन गर्न पनि सदनको ध्यानाकर्षण गराए। उनले संसद् बैठकमा विमान दुर्घटनामा परी निधन हुनेका लागि सदनमा विषयवस्तु प्रवेश गराइने आश गरे पनि त्यसो हुन नसकेको बताए। माघ १ गते काठमाडौँबाट पोखरा उडेको यती एयरको विमान पोखरा अन्तर्राष्ट्रिय विमानस्थल नजिकैको सेती खोचमा दुर्घटना हुँदा ७२ जनाको निधन भएको थियो।
विमान दुर्घटना छानबिनका लागि सरकारले पाँच सदस्यीय छानबिन समिति बनाएको र समितिले आफ्नो निश्चित समयभित्र अध्ययन प्रतिवेदन बुझाउने आशा गरेको बताए।
![शोक प्रस्ताव पारित गरेर प्रतिनिधिसभा बैठक स्थगित [तस्बिरसहित]](https://himalpress.com/wp-content/uploads/2024/03/samsad-5.jpg)
