हिमाल प्रेस 
तस्बिरः रासस
काठमाडौँ- नारायणघाट-मुग्लिन सडकको काम नसकिएपछि थप एक महिना बाटो बन्द गरेर काम गरिने भएको छ।
यसअघि बिहान ११ बजेदेखि दिउँसो ३ बजेसम्म सवारीसाधन रोकेर पुल बनाउने स्थानमा काम गरिँदै आएको थियो। माघ ५ गतेबाट भने दिउँसो १२ बजेदेखि ४ बजेसम्म सवारीसाधन बन्द गर्न लागिएको हो।
नारायणघाट–मुग्लिन सडक आयोजनाका सूचना अधिकारी कृष्ण आचार्यका अनुसार अबको एक महिना सवारी रोकेर काम हुनेछ।
आचार्यका अनुसार सिमलताल, कालीखोला र नाम्ची खोलाको पुल निमार्णको लागि सडक फराकिलो बनाउने काम सकिएको छ।
चिसेन्जी र तुईन खोलाको काम बाँकी छ। नारायणघाट–मुग्लिन सडकको चौडाइ ९ देखि ११ मिटरसम्म छ। यसअनुसार नयाँ निर्माण हुने पुल पनि ११ मिटर फराकिला हुनेछन्।
प्रकाशित: ४ माघ २०७९ १५:१९
प्रतिक्रिया
