हिमाल प्रेस 
फाइल तस्बिर
इलाम– जिल्ला कारागार इलाममा रहेका कैदीबन्दी प्रदेश र प्रतिनिधिसभा निर्वाचनको मतदानमा सहभागी भएका छन्। इलाम कारागारमा रहेका अस्थायी मतदाता नामावलीमा नाम भएका कैदीबन्दी र सुरक्षाकर्मीसहित १०० जनाले मतदान गर्दै छन्। कारागारमा रहेका २ सय ८० जनामध्ये ६१ जनाले मतदान गर्न पाउने छन्। दिउँसो ३ बजेसम्म ५२ जनाले मतदान गरी सकेको कारागारका एक कर्मचारीले जानकारी दिए।
अस्थायी मतदाता नामावलीमा नाम भएकाले प्रतिनिधिसभा सदस्यको समानुपातिकतर्फ मतदान गर्न पाउने निर्वाचन कार्यालय इलामले जनाएको छ।
प्रकाशित: ४ मंसिर २०७९ १५:१९
प्रतिक्रिया
